Neymar Junior
Neymar Junior

Daga Hassan Y.A. Malik

Kungiyar Manchester United ta shiga jerin sahun masu zawarcin dan wasan gaba na PSG, Neymar Junior.

Manchester United za ta kara da Real Madrid a kokarin daukar Neymar din.

Mujallar Don Balon ta rawaito cewa Neymar na son ficewa daga PSG bayan da ya koma kungiyar a karshen kakar bara a wani kwantiragi na Yuro miliyan 222 da ya sanya ya zama dan wasa mafi tsada a duniya.

Tuni dai Real Madrid ta fara zawarcin Neymar, amma Man Utd ta fito da karfinta don dauke Neymar din tare da mayar da shi jagora a kungiyar.

Rahotanni a baya-bayan nan sun bayyana cewa Neymar ya umarci mahaifinsa da ya kammala komawarsa Real Madrid kafin gasar cin kofin duniya da za a buga a shekarar nan a kasar Rasha.

LEAVE A REPLY